НҮБ-ын Хүүхдийн сангаас Улаанбурхан-Улаануудын эсрэг нэмэлт дархлаажуулалт хийх 627,500 хүн/тун вакциныг хүлээж авсан билээ. Энэ вакциныг 18-30 насныханд өнөөдрөөс хийж эхлээд байгаа юм.
Улсын хэмжээнд нийтдээ 900 газарт дархлаажуулалтын түр цэг, 300 гаруй нүүдлийн цэг ажиллаж байна. 18-30 насны ажил эрхлэгчид нь тухайн байгууллага, сургуулиараа дамжуулан харьяа дархлаажуулалт хийх өрхийн эмнэлэг, төв дээр очиж сайн дураараа вакциндаа хамрагдах юм. Харин ажилгүй иргэд тухайн амьдарч буй газрынхаа харьяа дархлаажуулалт хийх Өрхийн эмнэлэгт очиж вакциндаа хамрагдах ажээ. Улаанбурхан өвчний сэжигтэй тохиолдлын тоо өнгөрсөн долоо хоногийнхтой харьцуулахад 16 хувиар буурсан үзүүлэлттэй байгаа ч Улаанбаатар хот, Өвөрхангай аймагт өвчлөлийн тархалт өндөр хэвээр байна.
А.САЯН
