-Монголын Ширээний Теннисний Холбооны ерөнхийлөгч Ц.Гантулга, ерөнхий нарийн бичгийн дарга С.Галбадрах нар 3 жилийн өмнө шигшээ багтай болох хүсэлтээ тавьж байсан. Энэ биеллээ олж, эрэгтэй эмэгтэй шигшээ багийг байгуулж, дээр нь хоёр дасгалжуулагчийг улсаас санхүүжүүлж эхэлсэн. Дараагийн асуудал заалтай болох хүсэлтээ илэрхийлж буй. Ирэх дөрвөн жилд Монгол улсын Засгийн газраас анхаарч, Монголын Ширээний Теннисний Холбоо өөрийн гэсэн заалтай болно гэдэгт итгэж байна гэж Монголын Биеийн Тамир Спортын Хорооны дарга Шаравжамц Ахмадын УАШТ-ний нээлтийн үеэр хэлсэн үгэндээ онцоллоо. Тэмцээнд нийт Улаанбаатар, Дархан, Эрдэнэт хот болон 21 аймгийг төлөөлж нийтдээ 40 гаруй багийн 200 орчим теннисчин оролцож байна. Баг, холимог хос, нэгбүрчилсэн төрлөөр аваргуудаа тодруулах УАШТ энэ амралтын өдрүүдэд үргэлжилж, Ням гарагт дүнгээ гаргах юм байна
Э.ОТГОО