Английн хүчирхэг багийн нэг Манчестер Юнайтед-ийг талбай дээр нь 6:1 -ээр буулгаж авна гэж зүүдэнд ч багтсангүй, үнэндээ. Ийм зүйл хүний амьдралд нэг л удаа тохиолдох байх. Дахиад 20 удаа ч энэ цэнгэлдэхэд ирнэ гэж төсөөллөө ч 6:1 -ээр дахин хожно гэж санахын ч хэрэггүй. Олд траффорд цэнгэлдэх хүрээлэнг зорихдоо хожигдчихгүй л юмсан гэсэн бодлыг тээж ирсэн гэвэл үнэнд илүү дөхнө. Тоглолт ч хүндхэн эхэлсэн . Дөнгөж хоёр дахь минутанд торгуулийн цохилтоор бид гоол алдсан. Тэр цагаас л Юнайтед-ийн хамгаалалт бутарсан. Хариу гоолыг дөнгөж 2 минутын дараа л бид барьсан. Хоёрдугаар хагас бол биднийх байсан. Юнайтед нэг тоглогч ч дутуу болсон . Гайхалтай хожил. Хамгийн чухал нь бид гурван оноогоо бүрэн бүтнээр нь халаасаллаа гэж цагтаа Манчестер Юнайтед багийг дасгалжуулж байсан Тоттенхэм багийн өнөөгийн дасгалжуулагч Жозе Моурино Ску спортод хэллээ.
Энэ тоглолтонд Сон Хи Мин хоёр гоол оруулж, 6 гоолтойгоор мэргэн буучдыг хошуучилж эхлэв.
Э.ОТГОО
