Шударга ёс, шударга өрсөлдөөн. Энэ бол спортын ёс зүй. Италийн хөлбөмбөгийн дээд Лигийн Серия-А-д багууд худалдагдсан тохиолдол гарч байсан. Өрсөлдөгчөө мөнгөөр буулган авч тухайн жилдээ түрүүлсэн Милан багаас аварга цомыг нь хурааж, мөнгөн торгууль оногдуулж, дээр нь ирэх улирлын тоглолтонд оруулахдаа оноогоор торгож байсан. Тэгвэл газрын теннисний Ролан Гаррос цомын аваргад Оросын газрын теннисчин Яна Сизикова Америкийн 25 настай Мэдисон Бринглэнтэй хорлохдоо санаатай алдаа гаргаж байсан байна. Авилгатай Тэмцэх Теннисний Холбоо уг асуудлыг анхаарч, эрэн сурвалжилж эхэлсэн байна. Румыны эмэгтэй хос Патрисия- Миту нартай тоглохдоо Яна Сизикова нь тохирсон мэт давуулалтуудаа алдаж, оноо бэлэглэж байсан нь сэжиг төрүүлжээ. Румыны хосоос яг хэдэн долларын хахууль авсныг хараахан тогтоож чадаагүй ч, хэдэн зуугаар яригдах тоо сөхөгдөнө гэж тэд үзэж байна. Хэрвээ энэ өгсөн авсан нь тогтоогдвол Румыны болон Оросын теннисчдэд хуулийн дагуу зохих арга хэмжээ авч, дээр нь мөнгөн торгууль ногдуулах юм байна. Сумо бөхөд ч гэсэн нарийн эрэн сурвалжилдаг, үйлдэл бүр дээр нь арга хэмжээ авдаг учир найрааг таслан зогсоосон түүхтэй. Гэтэл Монголын үндэсний бөхөд найраа хийх нь үзэгдэл болтлоо хөгжсөн. Түүнийг хэн хэзээ яаж дарж, бөхчүүд ариун шударгаар барилддаг болох вэ?
Э.ОТГОО
