2020 оны Улсын АШТ 11-р сарын 3 дугаар долоо хоногт болно. Улсын АШТ-д оролцох теннисчдийг шигших, Нийслэлийн аваргыг тодруулах тэмцээн энэ амралтын өдрүүдэд ширээний теннисний "Оч" төв клубт болж, аваргуудаа тодрууллаа. Эрэгтэйчүүдэд улсын хошой аварга Б.Билэгт түрүүлж, улсын дөрвөн удаагийн аварга Э.Лхагвасүрэн удаалж, хүрэл медалийг спортын мастер Тэмүүлэн хүртлээ. Эмэгтэйчүүдэд спортын мастер, улсын аварга хошой мөнгөн медальт Должинзуу түрүүлж, улсын АШТ-ний мөнгө, хүрэл медальт Ундрам удаалж, спортын дэд мастер Ариунтуяа гуравдугаар байранд орлоо. - Тэмцээн тун өрсөлдөөнтэй боллоо. Бэгз ( улсын 4 удаагийн аварга) бид хоёр сүүлийн 10 жилд анх удаагаа багаар ч, нэгбүрчилсэн төрлөөс медальгүй хоцорлоо. Сүүлийн 32 тамирчин бүгд л тун хатуу учраа болжээ. Энэ бол теннис хөгжиж, урагшилж буйн тод жишээ. Миний хувьд улсад хоёр, хотод олон удаа түрүүлэхдээ ийм ширүүн өрсөлдөөнтэй тэмцээнийг үзсэнгүй гэж улсын хошой аварга Б.Баярмагнай Control.mn-ийн сурвалжлагчид тэмцээнийг тодотгохдоо хэллээ. -Нийслэлээс шалгарсан 23 шилдэг теннисчин, бүсээс шалгарах 9 тамирчинтай нийлж энэ сарын сүүлээр 2020 оны улсын аваргаа шалгаруулах болно. Тэмцээн тун чанартай, мөн өрсөлдөөнтэй болно гэж МТШХ-ны ерөнхий нарийн бичгийн дарга С. Галбадрах онцоллоо. Энэ тэмцээний шигшээ тоглолтыг control tv-ээр хүлээн авч үзээрэй.
Э.ОТГОО
