Аргентин улсын хөл бөмбөгийн домогт тамирчин Диего Марадона 60 насандаа зүрхний шигдээсийн улмаас нас барсан байна.
Хөл бөмбөгийн домогт тамирчин Диего Марадона тархиндаа хагалгаа хийлгэн амжилттай болсны ердөө 14 хоногийн дараа гэртээ зүрхний шигдээсийн улмаас нас барсан байна. Диего Марадона нь хөл бөмбөгийн бүх цаг үеийн шилдэг тамирчдын нэг бөгөөд 1986 онд Аргентин улсыг Дэлхийн цомын аваргад түрүүлэхэд голлох үүрэг гүйцэтгэсэн юм. Түүний аваргын төлөө Англи улсын эсрэг тоглолтонд оруулсан хоёр гоал хоёулаа түүхэнд бичигдэн үлдсэн бөгөөд эхний гоалыг "БУРХАНЫ ГАР" гэж нэрлэдэг бөгөөд тэрээр сүүлд өөрөө гараараа цохиж гоал оруулснаа хүлээн зөвшөөрсөн бол хоёр дах гоал нь 20-р зууны шилдэг гоал болон түүхэнд бичигдсэн юм.
Ж.Батжаргал
