.jpg)
Өмнө нь, 10-р сард, талбай дээрээ Шахтёр багт 2:3-аар хожигдсон Реал Мадрид хариу тоглолтондоо ч 2:0- ээр буулаа. Ингэснээр Реал Мадрид баг хэсгээсээ шалгарах нь эргэлзээтэй болж, улмаар Зидан ч ажлаа өгч магадгүй байдал үүслээ гэж хөлбөмбөгийн сэтгүүлчид бичиж эхэллээ. - Би ажлаа өгөхгүй. Энэ тухай яриаг сэтгүүлчид л гаргаж байна. Тийм зүйл байхгүй. Бидний хувьд доголдож байгаа нь үнэн. Тааруухан үеэ туулж байна. Гэхдээ л энэ бүхнийг засахын төлөө, эргэн сэргэхийн төлөө тууштай тэмцэж буй. Дасгалжуулагч миний гол үүрэг бол багаа зөв чигт нь залах юм. Түүнийгээ л би хийж байна гэж Зидан ВВС-д ярилцлага өгөхдөө хэллээ.
Сэтгэлээр унах хэрэггүй, яаран баярлах ч хэрэггүй. Бидэнд хоёр тоглолт үлдсэн. Хэсгээс бид гарч чадна гэж тэр нэмж хэлэв.
Э.ОТГОО
