Монголын байт харвааны холбооны Шүүгчдийн зөвлөлийн гишүүн, Олон улсын шүүгч Энхбатын Саруул "Токио 2020" Паралимпийн наадмын байт харвааны шүүгчээр ажиллах болжээ. Ийнхүү анх удаа Монголын байт харваа Олимпийн наадамд өөрийн шүүгчтэй оролцох эрхийг авлаа.
Манай холбоо тун баяртай байна. Бид 2008 оны олимпоос Олимпийн аваргатай болж байсан. Тэгвэл олимпийн наадамд шүүгчтэй оролцох болж дэвшилт гаргалаа Саруул маань дэлхийд үнэлэгдсэн сайн шүүгч болохоо харуулсан. Он гараад, олимпийн наадмаас гадна, 2021 оны Өсвөр үе, залуучуудын ДАШТ-ийн шүүгчээр ажиллах урилга хүлээн авсан гэж тус холбооны ерөнхийлөгч Д.Цагаан тодотголоо.
