Япон улсад хийсэн сүүлийн судалгаагаар Японы хүн амын 80 орчим хувь нь "Токио-2020" зуны олимпийг хойшлуулах шаардлагатай гэсэн байр сууриа илэрхийлсэн тухай Киодо мэдээллийн агентлаг мэдээллээ. Судалгааг өнгөрсөн долоо хоногийн сүүлчээр утсаар авсан байна. Судалгаанд хамрагдагсдын 35.3 % нь "Токио-2020" зуны наадмыг бүрмөсөн цуцлах ёстой гэж үзсэн бол 44,8 % нь хойшлуулах шаардлагатай гэсэн байр суурийг баримталжээ. Судалгаанд оролцогчдын 68.3 % нь коронавирустай тэмцэж буй Засгийн газрынхаа үйл ажиллагаанд сэтгэл ханамжгүй байгаагаа давхар илэрхийлжээ. Ийнхүү "Токио-2020" зуны олимп бүр цуцлагдах магадлал нь өндөрлөжээ.