Тэд гараандаа суусан алдаагаа залруулж, сүүлийн 8 тойрогт дараалан ялалт байгуулснаар хүснэгтийн гуравд дэвшлээ. Үнэндээ хоёрдугаарт бичигдэнэ. Учир нь тэд өмнөө буй Ливерпуль багаас нэг тоглолт дутуу.
Хүснэгтийг тэргүүлж буй багуудаас ялгарах нэг л ялгаа байна, бидэнд. Энэ бол гүйлт. Бид талбайд дэндүү их гүйж байна. Хөлбөмбөг тоглож л байгаа юм бол бас алхах хэрэгтэй. Мэдээж гүйнэ, тохируулах хэрэгтэй. Бөмбөггүй үлдсэн бол бөмбөгний араас гүйх зайлшгүй хэрэгтэй. Харин бөмбөг эзэмшиж буй тохиолдолд байрлалаа зөв ав, өөрөө гүйх биш, бөмбөгөө л урагшлуул. Бидэнд их гүйхээс илүүтэй, үр дүнтэй тоглолт, илүү олон хожил шаардлагатай байна гэж Пеп Гвардиолла тоглолтын өмнө хэлсэн. Хөвгүүд нь хожил байгуулж, маш чухал 3 оноог халаасалснаар тэд Ливерпулийг гүйцэж түрүүлэх, тэргүүлэгч Манчестер Юнайтедтэй хошуучлагчийн байр суурийг булаалдах боломжтой боллоо.
