Амьдралдаа нэг ч цом өргөж үзээгүй хүнийг сайн дасгалжуулагч гэж хэлдэггүй юм гэж Тоттенхэмийн дасгалжуулагчаар очсоныхоо дараахан Жозе Моурино хэлсэн. Энэ бол Поччеттиног доош нь хийсэн түүний явуулга байсныг хөлбөмбөгийн ертөнц анзаарсан. Аваргуудын Лигийн финалд Ливерпульд ( 2019 онд) хожигдож цомын үзүүрээс атгаад алдсан Тоттенхэм багийн тухайн цагийн дасгалжуулагч Поччеттино дуугүй л явсан. Хариу хэлээгүй. Харин он гарангуут тэр Жозе Моуринод хэлсэн үгийнхээ нь хариу болгож цомоо өргөж үзүүллээ. Түүний удирдлаган дор Парис Сан Жермен баг Английн Супер цомын аварга боллоо. Тэд Францын Супер цомын финалын тоглолтонд Марсель багийг 2:1 буулган авлаа. Эхний хагасын 40' минутанд Икардо гоолын салхийг хагалж, 89 дэх минутанд Неймар 11 метрийн торгуулийн цохилтоор тооны харьцааг 2:0 болгосон. Тоглолтын төгсгөлд Марсель нэг гоол оруулж амжсан ч, илүүг хийж чадаагүй. Ийнхүү Томас Тучелийн оронд дасгалжуулагчаар очсон Поччеттино Парис Сан Жермен багийн хамт анхныхаа цомыг өргөлөө. Түүнд Францын Лиг, Аваргуулын Лигт түрүүлэх боломж байгааг бас үгүйсгэж болохгүй.
