ТОМАС ТУЧЕЛЬ: БИ ДЭНДҮҮ АЗ ЖАРГАЛТАЙ БАЙНА

2021-03-05  

Хөвгүүдийнхээ тоглолтоор сэтгэл туйлын хангалуун байна. Өнгөрсөн улирлын аварга багийн талбайд зочилж, ялалт байгуулснаар маш чухал 3 оноог халаасаллаа. Тэгснээр бид Ливерпуль багийн өмнө орж дэвшлээ. Энэ бол ирэх улиралд Аваргуудын Лигт тоглох боломжоо нээж буй маш чухал алхам. Софтхамптон багтай тэнцэж 2 оноог алдаагүй бол бүр урагшлах байсан юм гэдэг харуусал ч мартагдаагүй. Ерөнхийдөө баг дажгүй. Довтолгоо, хамгаалалт аль аль нь жигд сайн байгаа. Тоглогчид ч бие биеэ сайн нөхөж байгаа нь тоглолтын амжилтын суурь болж байна. Би Челси багт ирснээс хойш л энэ багт ууссан. Тоглогчидтойгоо нэг болж чадсан. Тоглогчдын хандлага ч маш зөв эерэг байна. Ийм багийн удирдах болсондоо өөрөөрөө ч бахархах сэтгэл төрж байна гэж Томас Тучель хэллээ.

- Чельси баг Томас Тучелийн удирдлага дор 10 тоглолт хийж, хожигдол гэдгийг амсалгүй урагшилсаар хүснэгтийн 4-д бичигдлээ. Тэд мөн Аваргуудын Лигийн хасагдах шатны эхний тоглолтонд Атлетико Мадрид багийг талбай дээр 0:1-ээр хожиж, маш том давуу тал үүсгэж чадсан. Чельси багийн удирдлага болон фанатууд нь Лампардийг халж, Тучелийг томилсон нь цагаа олсон зөв шийдвэр байжээ гэж үзэх болжээ.

 

Э.ЛХАГВА

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Төстэй мэдээ
Шинэ мэдээ
Санал асуулга
ХӨЛ ХОРИОГ ДАХИН 5 ХОНОГ СУНГАХ НЬ ЗӨВ ҮҮ?