Цар тахлын аюулаас болгоомжилж, Токио-2020 Зуны олимпод оролцох албаны хүмүүсийн тоог эрс бууруулах шийдвэрийг Олон Улсын Олимпийн Хорооноос гаргалаа. Гарцаагүй байх шаардлагатай, гар биеийн оролцоо бүхий л хүмүүсийг Токио хүлээн авахаа мэдэгдлээ. Өөрөөр хэлбэл тамирчдаас гадна, дасгалжуулагч багш, эмч, сэтгэл зүйч, массажист, багийн ахлагчаас өөр хэнийг ч нэвтрүүлэхгүй юм байна. - Орон орноос мэдүүлэг өгсөн нийт 90000 ( ерэн мянган) багийн гишүүдээс зөвхөн 30000( гучин мянга)-ыг л хүлээн авна. Тэдний тал хувь нь тамирчид байх болно. 11000( арван нэгэн мянган) энгийн тамирчин, 4000( дөрвөн мянган) пара- тамирчин. Үлдсэн 15000( арван таван мянга) нь Үндэсний багийн ахлагч, дасгалжуулагч, сэтгэл зүйч, массажист, орчуулагч) зэрэг ажил хэргийн зайлшгүй холбоотой хүмүүс байх ёстой. Наадмын спонсор байгууллагын нэрээр ирж буй шаардлагагүй хүмүүсийг ч хасах болно гэж Олон Улсын Олимпийн Хороо мэдэгдлээ.