Сайн тоглож байж л амжилт үзүүлнэ. Өрсөлдөгчөө хожиж байж л шат ахина шүү дээ. Тэгэж чадахгүй бол шөвгийн дөрөвт үлдэх эрхгүй. Реал-Мадрид багтай хийсэн эхний тоглолт тун маруухан боллоо. Ялангуяа эхний 45 минут. Бид тун арчаагүй тоглолт үзүүллээ. Өөрсдөө юу ч хийж чадсангүй, довтолгоог ч олигтой хамгаалж чадсангүй. Хоёрдугаар хагас бол эн тэнцүү тоглолт үзүүллээ. Үр дүнд нь бид хожигдлоо. Гэхдээ тоглолт дуусаагүй. Хариу тоглолт 7 хоногийн дараа болно. Энд л юу чаддагаа үзүүлэх шаардлагатай боллоо. Барселона багийг 4:0-ээр хожиж болсон юм, Реал Мадрид багийг ч 2:0-ээр хожиж потенциал Ливерпульд бий гэж Клопп тодотголоо. - Энэ үдэш биднийх байлаа. Эхний тоглолтоо хожиж даалгавраа амжилттай биелүүллээ. Хариу тоглолт бий. Амаргүй тоглолт биднийг хүлээж буйг төсөөлж байна. Бид хожсон багийн тоглолтын тактикийг баримтлахгүй. 0:0-ээр өндөрлөсөн гэх сэтгэл зүйгээр хүч хайрлахгүй үзнэ. Реал Мадрид багийн уруудалт зогссон. Одоо бид дахин өгсөж буй. Ла Лигт ч бид тэргүүлэгчдийг нэхэж, тэдэнд алхам алхмаар ойртож буй. Аваргуудын Лиг ч мөн ижил. Тиймээс тоглолт бүрийг бид хожихыг хичээж буй гэж Зидан хэллээ.