ЖОНСОН: ЕВРОПЫН СУПЕР ЛИГ ГЭЖ БАЙЖ БОЛОХГҮЙ...

Англи улсад хөлбөмбөг бол амь, амьдрал гэдэг үнэн аж. Европын Супер Лиг бий болсонтой холбогдуулан Английн Хөлбөмбөгийн Холбоо болон Премьер Лигийн удирдлагыг ерөнхий сайд Жонсон хүлээн авч уулзлаа. - Европын Супер Лиг гэж зүйл байж болохгүй, түүнийг зогсоох ёстой. Энэ бол Английн сая сая эгэл жирийн фанатуудын байр суурь. Супер Лигийг зогсоохын тулд хууль эрх зүй болон бүхий л боломжит хувилбарыг ашиглана. Шаардлагатай бүхнийг хийх болно гэж тэрбээр хэллээ. Тэрбээр Европын Супер Лигийн сэдвээр хэлэлцүүлэгт оролцохдоо: Премьер Лигийн 14 багийн эрх ашгийг хамгаална. Премьер Лигийн өнөөгийн бүтцийг хадгална. Хөлбөмбөгийн фанатуудынхаа эрх ашгийг дээдэлнэ. Европын Супер Лигт орохоо зарласан Премьер Лигийн топ 6 багтай холбогдоно. Европын Супер Лигийг зогсооход чадах бүхнээ хийнэ. Шинэ Лигийг Английн Засгийн газраас дэмжихгүй гэдэг хатуу байр суурийг илэрхийлсэн.