Латви улсад зохиогдож буй Хоккейн U-18 насны ДАШТ -ний хагас шигшээ тоглолтын эхний хосоор Финлянд, Оросын баг тодорлоо.
Финлянд 2:0 -ээр Швейцарын багийг, Орос 5:2 -оор Белоруссийн багийг буулган авч хагас шигшээд шалгарсан байна. Тэд энэ оны 4 сарын 28 -нд хамгийн сүүлчийн удаа учирч, торгуулийн буллит цохилтоор Финландын баг 4:3 -аар Оросын багийг ялж байжээ.
Хагас шигшээд Финлянд-Оросын хэн хожсон нь аваргын төлөө Канад- Шведийн хосын ялагчтай финалдана. Оросын U-18 баг энэ удаа түрүүлбэл дэлхийн чансааг тэргүүлэх ач холбогдолтой. Тэд одоогоор дэлхийд гуравдугаарт, Финлянд, АНУ-ын багийн ард эрэмбэлэгдэж байна.
Оросын баг Дэлхийн АШТ-ээс нийтдээ 3 алт, 5 мөнгө, 3 хүрэл медаль авч байсан бол, тэдний өрсөлдөгч Финлянд 4 алт, 3 мөнгө, 4 хүрэл медальтайгаар дэлхийн чансааг тэргүүлж буй аж.
Э.ЛХАГВА