Нэг хэсэгтээ баг дасгалжуулахгүй гэж ВВС спортод саяхан ярилцлага өгч байсан Жозе Моурино Италийн Рома багийг дасгалжуулахаар зөвшөөрлөө гэж Английн Телеграф сонин мэдээллээ.
Тэрбээр нэгэнт ажилд орсон тул Тоттенхэм баг гэрээний дагуу түүнд нөхөн олговор болгон төлөх ёстой 13 сая фунтстерлингээс чөлөөлөгдөх болжээ.
Рома багийн ойрын болон алсын хөгжилд маш чухал хувь нэмэр оруулах дасгалжуулагч бол Жозе Моурино. Яг түүн шиг сэтгэдэг, цар хүрээтэй, чадвартай, дээр нь тэмүүлэлтэй дасгалжуулагч л багийн хөгжлийн түлхүүр болж чадна гэж Рома багийн гүйцэтгэх захирал, Португали эр Пинто сэтгэл хангалуун хэллээ.
Д.БАТЖАРГАЛ
