Лейпциг багийг амжилттай удирдаж чадварлаг дасгалжуулагч гэдгээ харуулсан Жулиан Нигэлсмэн Байер Мюнхен багийг дасгалжуулахаар боллоо. Тэрбээр энэ улирал төгсөнгүүт буюу 2021 оны долдугаар сарын 1-нээс домогт Байер Мюнхен багийг дасгалжуулж эхлэх юм.
Ханс Флик хугацаанаасаа өмнө халагдах өргөдлөө өгсний дараа бид дасгалжуулагчийн эрэлд мордсон.
Нигэлсмэн бол насаар залуу ч, орчин цагийн дасгалжуулагчийн төлөөлөл юм гэдэгтэй багийн удирдлага санал нэгдсэн.
Түүний удирдлага дор Байер Мюнхен баг дараа дараагийн ялалтаа байгуулна гэдэгт бид итгэл төгс байна гэж клубын ерөнхийлөгч Хэрбэрт Хайнер албан ёсны сайтдаа мэдэгдсэн байна.
"Байер Мюнхен" багийн дасгалжуулагчаар ажиллах юмсан гэж мөрөөдөж байснаас томилогдоно гэж санасангүй. Дасгалжуулагч бүрийн мөрөөдөл бол энэ багийг дасгалжуулах.
Тиймээс надад энэ боломжийг олгосон Лейпциг болон Байер Мюнхен багийн удирдлагад туйлаас талархаж байна. Би хичээнэ. Та бүхний итгэлийг ялалтаар хариулна гэж Бунделигийн Лигийн түүхэн дэх хамгийн залуу дасгалжуулагчаар бичигдэж байсан (2016 онд, Хоффэнхэйм) Жулиан Нигэлсмэн Германы " Вилд" сэтгүүлд ярилцлага өгөхдөө онцоллоо.
Э.ЛХАГВА
