-Бидний ихээхэн найдлага тавьж буй спортын төрөл бол чөлөөт бөх. Нийт 10 медаль. Түүнээс 5 алтан медаль. Ийм зорилгыг бид тавьсан гэж Японы Чөлөөт Бөхийн Холбооны ерөнхийлөгч Куодо news агентлагт ярилцлага өгөхдөө онцоллоо.
-Олимпод Хойд Солонгос тамирчдаа илгээхгүй шийдвэр гаргасан. Гэхдээ энэ бол олимпийн алтан медаль сул хэвтэж байна гэсэн үг биш. Цаана нь тив, дэлхий, олимпийн хүчтэнүүд олноороо бий.
Японы чөлөөтийнхэн Токио-2020 олимпод дээд амжилт үзүүлэх ёстой. Бидэнд эцсийн үр дүн чухал. Энэ бол медалийн тавцанд гарах биш, түрүүлж Олимпийн алтан медаль авах юм гэж Японы Чөлөөт бөхийн Холбооны техникийн асуудал хариуцсан Шигеку Нишибучи захирал зорилгоо тодотголоо.
-Японы эмэгтэй бөхчүүд хүчтэй. Үүнийгээ ч бид харуулна. Бидний бэлтгэл ханасан. Токио-2020 олимпийн бүх зургаан жинд Японы эмэгтэй бөхчүүд медалийн тавцанд гарна гэдэгт бүрэн итгэлтэй байна гэж 2016 оны олимпийн алтан медальт Рисако Кавай тамирчдаа төлөөлж байр сууриа илэрхийллээ.
Ц.БАТ-ЭНХ
