Хэд хэдэн алдаа гаргалаа. Тоглолтондоо огт төвлөрсөнгүй. Төгсгөлийг гүйцээж чадсангүй. Эцсийн үр дүнг өөртөө ашигтайгаар эргүүлж амжсангүй. Бидний хувьд тохиолдож байгаагүй алдаа.
Энэ удаа багийн зарим тоглогчдын байршлыг сольсон нь ч тоглолтын үр дүнд нөлөөлсөн байхыг үгүйсгэхгүй.
Энэ бол миний шийдвэр байсан. Учир нь, энэ бямба гарагт бид Английн Хөлбөмбөгийн Холбооны цомын аваргын төлөө тоглоно. Түүнийг угтаж ийм өөрчлөлтийг туршсан.
Хамгийн том алдаа бол тоглогчид бүрэн төвлөрч чадсангүй. Анхаарлаа сулруулснаас болж хожигдол амслаа. Энэ бол маш үнэтэй сургамж.
Премьер Лиг өндөрлөхөд хоёрхон тойрог үлдсэн. Хоёуланд нь хожиж байж бид Премьер Лигийн топ-4-д үлдэх энэ улирлын анхны зорилгоо биелүүлнэ. Дээр нь, энэ бямбад улирлын анхны цомоо өргөх эсэхээ шийдэх хариуцлагатай тоглолттой.
Дараа нь биднийг Аваргуудын Лигийн финал хүлээж буй. Тиймээс анхаарлаа нэг ч хором ч алдаж сулруулж болохгүй гэж Томас Тучель Ску спортод Арсенал багт хожигдсоноор дүгнэлээ.
Э.ЛХАГВА
