Дубайд энэ сарын 24-нээс эхлэх Ази тивийн Боксын АШТ-ий шагналын санд 400'000( дөрвөн зуун мянган) ам.долларыг төсөвлөсөн. Түрүүлсэн тамирчин анх удаа 10000 (арван мянган) ам.долларын эзэн болно.
Мөнгөн медалийн эзэн 5000$, хүрэл медалийн 2 тамирчин тус бүр 2500$ шагнал хүртэнэ. Бокс бол хүнд спорт. Ялсан ч бэртэл гэмтэл авах нь олонтаа. Тиймээс боксчидоо дэмжих, урмыг нь сэргээх зорилгоор медальт байрыг анх удаа мөнгөжүүллээ. Тамирчдад зөвхөн нэр хүндээс гадна, бас санхүүгийн урамшил чухал.
Дубайд 400,000$ төлөө Энэтхэг, Индонез, Өмнөд Солонгос, Катар, Тайланд, Казахстан, Монгол зэрэг 27 орны шилдэг тамирчид тулалдана.
Энэ удаагийн Ази тивийн АШТ нь Токио-2020 зуны олимпийн өмнөх гол сорилт болж байгаагаараа өндөр ач холбогдолтой гэж Оросын иргэн, Олон Улсын Боксын Холбооны ерөнхийлөгч Умар Кремлев тэмцээний өмнө мэдэгдлээ.