Манчестер Ситиг бид ойрхон хоёр хожсон нь үнэн. Энэ нь бидэнд давуу эрх олгох уу? Огт үгүй. Аваргуудын Лигийн финал бол тэс өөр. Цоо шинэ өрөг. Челсид хоёр удаа хожигдсон гэсэн сэтгэхүйгээсээ Гвардиолла бүрмөсөн салсан гэдэгт итгэж байна. Бидний хувьд ч мөн ижил. Финал бол цоо шинэ хуудас. Энэ хуудсан дээр шинэ түүхийг хамтдаа бичилцэнэ.
Гвардиоллагийн эсрэг тоглоход ямагт хүнд хэцүү. Өмнө нь Бундеслигт "Байер Мюнхен" багийг удирдаж байхад нь нэг бус удаа учраа таарч байсан учраас сайн мэднэ. Челси багийг дасгалжуулж эхэлснээс хойш Премьер Лигт Манчестер Сити багтай хоёр удаа учирсан.
Барселона багийг хэрхэн яаж хөгжүүлснийг хөлбөмбөгийн хөгжил өөрөө илтгэнэ. Барселона багийн хамгаалалт, довтолгоо гэдэг бол өөрөө маш том сургалт болдог. Тэр ялалтын машиныг үйлдвэрлэдэг хэвээр. Түүний үйлдвэрлэсэн 3 том машин байна. Нэг нь Барселона, нөгөө нь Байер Мюнхен, гурав дахь нь Манчестер Сити.
Манчестер Сити болон Байер Мюнхен багийг Европ тив бүхэлдээ дуурайж, хуулж эхэлсэн. Тэд бусдаас хол тасарсан.
Ийм ялалтын машин, түүний зохиогчтой бид Аваргуудын Лигийн финалд таарсан. Холдсон зайг ойртуулах 90 минут биднийг хүлээж буй. Бид ч бас Манчестер Сити багт ойртсон гэдгээ үзүүлэх болно гэж Челси багийн дасгалжуулагч Томас Тучель ВВС-д ярилцлага өгөв.