Ирэх долоо хоногийн Бямба гарагийн үүрийн 03.00 цагт Итали-Туркийн багийн тоглолтоор Европ Тивийн Хөлбөмбөгийн Аварга Шалгаруулах Тэмцээн эхэлнэ. Европын шилдэг 24 баг нэг сарын турш өрсөлдөж долдугаар сарын 11-ний өдөр аваргаа тодруулна.
Европын 12 хотыг дамнан үргэлжлэх ЕАШТ-ний финалын тоглолт Английн Лондон хотын Уэмбли цэнгэлдэх хүрээлэнд хаалтаа хийнэ. Шалгарсан 24 баг 6 хэсэгт хуваагдаж буй.
"А" хэсэгт:
Итали, Швейцарь, Турк, Уэльс
"Б" хэсэгт:
Бельги, Орос, Дани, Финлянд
"С" хэсэгт:
Украйн, Голланд, Австри, Хойд Македони
"Д" хэсэгт:
Англи, Хорват, Чех, Шотланд
"Е" хэсэгт:
Испани, Польш, Швед, Словак
"Ф" хэсэгт:
Герман, Франц, Португали, Унгар
Өнгөрсөн Европын АШТ -ий аварга Португали, 2018 оны ДАШТ-ий аварга Франц, дэлхийн аварга Герман, дэлхийн аваргын хошой мөнгөн медальт Унгарын баг багтсан "Ф" хэсгийг " үхлийн " хэсэгт тооцогдож буй.
Дээрх зургаан хэсгийн нэг, хоёрдугаар байрыг эзэлсэн эхний 2 баг, тэдэн дээр нь гуравд орсон шилдэг 4 баг нэмэгдэж, нийт 16 баг хасагдах шатны тэмцээнийг үргэлжлүүлэх юм байна. Шинжээчид, судлаачид Англи, Бельги, Франц зэрэг багийг энэ удаагийн Европын Хөл Бөмбөгийн АШТ-д түрүүлэх багаар нэрлэж байна.
