Унгарын Дреберцен хотод Токио-2020 зуны олимпийн цорын ганц эрхийн төлөө Бельги, Унгар, Монгол, Словени, Украйн, Румыны багууд 5 дахь өдрөө өрсөлдөж байна.
"А" болон "Б" хэсгийг нэг ч хожигдолгүй тэргүүлсэн Бельги болон Унгарын баг хагас шигшээд шууд шалгарсан бол үлдсэн 4 баг нь өөр хоорондоо нэмэлт тоглолт хийлээ.
"Б" хэсэгт Унгарын дараа бичигдсэн Монголын баг "А" хэсгийн сүүлийг мушгисан Украйны багийг 19:17, Словенийн баг 21:12-оор Румыныг хожсоноор тэмцээнээ үргэлжлүүлэх болж, Румын, Украйны баг Токио-2020 зуны олимпод оролцох эрхийн төлөөх буухиаг орхилоо.
Олимпийн эрх авахад Монголчуудад дараалсан 2 хожил хэрэгтэй. Монгол-Бельгийн тоглолт бол эхнийх нь. Хэн хожсон нь финалд шалгарч, олимпийн цорын ганц эрхийн төлөө тоглох нэн хариуцлагатай тоглолт Монголын багийг хүлээж байна.
Э.ОТГОНЖАРГАЛ
