Роланд Гаррос буюу Францын нээлттэй Их дуулгын финалд Грекийн теннисчин Циципасыг 3:2 -оор буулган авснаар Джойкович Роланд Гарросын хоёр дахь, Их дуулгын 19 дэх цомоо өргөсөн. Тэгснээр Джойкович 4 их дуулгын цомыг хоёроос дээш удаа өргөсөн анхны теннисчин болов.
Өдгөө 34 настай Джойкович эхний 2 өргөө алдсан ч, сүүлийн 3 өрөгт дараалан хожиж "Их гурав"-ын (Федерер, Надаль) нэр төрийг энэ удаадаа хамгаалж чадлаа (6-7 (6-8), 2-6, 6-3, 6-2, 6-4). Тэгснээрээ Федерерийн 20 түрүүлсэн дээд амжилттай тэнцэхэд нэг л түрүү үлдэв.
Гэхдээ сүүлийн 15 жил газрын теннисний ертөнцөд ноёрхлоо ээлжлэн тогтоож ирсэн "Их гурав"-т дахин дахин түрүүлэх орон зай туйлын бага үлдсэнийг өдгөө дөнгөж 21 настай, газрын теннисний шинэ үеийн төлөөлөл болсон Циципас сануулаад амжлаа.
Тэрбээр "Их гурав" гэж нэрлэгдэх болсон Надаль, Джойкович, Федерер нарыг аль 2019 оноос хожиж эхэлсэн түүхтэй. Тэрбээр 2019 онд Федерерийг Лондонд, мөн тэр ондоо Джойковичийг Шанхайн Мастерс, 2021 онд Надалийг Австралийн нээлттэй тэмцээнд тус тус хожиж байсандтүүнд энэ удаад Джойковичийг буулгаж авах аз дутав.
