Яах аргагүй түрүүлэх 3 баг бий. Франц, Португали, Бельги. Франц- Дэлхийн аварга, Португали
-Европын аварга, Бельги чансаагаараа тэргүүлж буй баг. Гэхдээ энэ удаад Италийг түрүүлэх багийн жагсаалтаас хасаж болохгүй. Бидэнд түрүүлэх боломж бий гэдгийг хэсгийн эхний 2 тоглолт харууллаа. 2018 оны ДАШТ-ийг түүхэндээ анх удаа өнжсөн Италийн баг бүрэн шинэчлэгдсэн. Бид эхний хоёр тоглолтонд 6 гоолдож, 2 хожил авч, 6 оноотойгоор хэсгээсээ шалгарсан анхны баг боллоо. Энэ эрч хүчээ хадгалж чадвал бидний өмнө тэсэх баг үлдэхгүй.
Бид сүүлийн 21 тоглолтонд дараалсан ялалт байгууллаа. Түүний 10 тоглолтонд нэг ч гоол алдсангүй. Италийн багийн уламжлалт нягт шигүү хамгаалалт, хурц аюултай довтолгоог Мануэль Локателли нарын тоглогчид үзүүлж байна гэж Италийн Үндэсний Шигшээ багийн дасгалжуулагч Роберто Манчини Италиа Спортод ярилцлага өглөө.
Мануэль Локателлийн 26, 52 дахь минутанд 16 метрийн шугамын гаднаас хүчтэй цохиж оруулсан 2 гоол, Чиро Иммобилегийн 3 дахь гоолын ачаар Италичууд Евро-2021 тэмцээний хагас шигшээд шалгарсан анхны баг боллоо. Тэд хэсгийн сүүлийн тоглолтоо Уэльсийн багтай хийх болно.
Э.ОТГОНЖАРГАЛ