Герман 4:2 Португали. Энэ бол Евро-2021 АШТ-ий хамгийн олон гоол оруулсан тоглолт боллоо. Тоглолтын 15 дахь минутанд Роналдо гоолын салхийг хагалж, 1:0-ээр хошуучилж эхэлсэн. Энэ гоол Германы багийн довтолгоог эрчимжүүлж, улмаар тоглолтыг эргүүлэв.
Роналдогийн эхний гоолын араас Португалийн хамгаалагчид 2 гоол оруулсан ч, харамсалтай нь өөрийн хаалгандаа чихэж, өрсөлдөгчдөдөө тус хүргэлээ. 2:1-ээр тэргүүлэх болсон Германы гоолын машин ажиллаж, нэмж 2 гоолыг Португалийн хаалганд шигтгэж хожлоо баталгаажуулж чадсан.
Тоглолтын төгсгөлд Португальчууд хоёр дахь гоолоо оруулж дөнгөсөн ч тоглолт Германы багийн(4:2) ялалтаар өндөрлөсөн. Маш хэрэгтэй 3 оноог халаасалснаар Унгартай хийх тоглолтын өмнөх сэтгэл зүйн хүнд дарамтаас Германы баг гарсан байна. Одоогоор үхлийн "Ф" хэсгийг Франц тэргүүлж, Герман удаалж байна.