Хэсгээсээ эхний хоёроор шалгарсан 12 баг дээр гуравдугаар байрандаа үзүүлэлтээрээ тэргүүлсэн 4 баг нэмэгдэж, шилдэг 16 багийг бүрдүүлж буй. Шилдэг гуравдугаар байрыг Португаль(4 оноо) тэргүүлж, Чех, Швейцарь дараалж, Украйн (3 оноо) мухарлав. Хасагдах шатанд Португаль-Бельги, Чех-Голланд, Франц- Швейцарь, Швед- Украйны баг өөр хоорондоо оноолт таарчээ.
-Украйны багийг аз түшиж байна. 3 оноотой цорын ганц баг шилдэг 16 багт шалгарсан. Тэр нь Украйн байлаа. Гэхдээ энэ бол Украйны баг сул гэсэн үг огт биш.
Хасагдах шатанд Шведтэй таарлаа. Швед бол хүчирхэг Итали, Англи биш. Шилдэг 16 дотроо л Швед зөөлөн " боорцог-т багтана. Тийм хэдий ч Шведийг бид басахгүй. Украйны багийн хувьд ихээхэн дэвшил гаргасан. Баг бүрт тохирсон тактикийг боловсруулж буй. Шведийн тоглогчид агаарын тоглолтонд биднээс илүүрхэх магадлалтай. Тоглогчдын биеийн хөгжил сайн. Тиймээс бид хамгаалалтаа улам зузаатган. Контратакийн тактикийг баримтална. Хэсгээс шалгарахад аз түшсэн. Од гийвэл Украйн Шведийг ялна Шевченко Украйны Тв-д ярилцлага өглөө.
