Евро2021 АШТ-ий нээлтийн тоглолтын үеэр манай багт маш том гарз хохирол учирсан. Багийн шилдэг тоглогч, хамгаалалтын гол тулгуур К.Эриксоноо Финляндтай хийсэн хэсгийн нээлтийн тоглолтонд "алдсан". Түүний зүрх гэнэт хаагдаж, зүлэг ногоон талбай дээр ухаангүй унасан түүний амийг аврахын тулд эмч нар цэнгэлдэх хүрээлэнд 15 минутын турш анхан шатны яаралтай тусламжийг үзүүлж, улмаар эмнэлэгт хүргэсэн.
Яаралтай мэс засал хийж, судсанд нь стэнд тавьж, түүний амийг аварсан ийм явдал өрнөсөн. Шүүгч нар тэр тоглолтыг хойшлуулалгүй цааш нь үргэлжлүүлсэн нь бидэнд хүнд туссан. Үр дүнд нь Финландад 1:0-ээр хожигдсон. Дараа нь Бельгийг хүчрээгүй. Харин шийдвэрлэх тоглолтонд Оросын багийг 4:1-ээр буулган авч, бөмбөгний зөрүүгээр Финлянд, Оросыг ардаа орхин хэсгээсээ Бельгийн багтай хамт шалгарсан.
Тоглолтын эхэнд хүнд гарч учирсан ч, хөлбөмбөгийн бурхан тэнгэр биднийг гийгүүлсээр байна. Эриксон маань ч эдгэж, багаа эргэж, сэтгэлийн дэм өгсөн. Энэ хожлыг бид багийн анд, шигшээ багийн хамгаалагч 10 дугаартай өмсгөлтэй Эриксондоо зориуллаа гэж Данийн шигшээ багийн дасгалжуулагч К.Юльман ВВС спортод ярилцлага өгөхдөө онцлов. Данийн баг Голланд-Чехийн хожсонтой нь шигшээ дөрөвдүгээр үлдэхийн төлөө тоглоно.
Э.ОТГОНЖАРГАЛ
