НЭГ: ШӨВГИЙН НАЙМАН БАГИЙН ТОГЛОЛТЫН ХУВААРЬ:
А: Швейцарь-Испани
"Евро-2021" -д түрүүлэх багийн таамгыг Швейцарь эвдлээ. Тэд үндсэн цаг, нэмэлт цагт 3:3-ээр тэнцэж, торгуулийн цохилтоор (5:4) Францыг Евро-2021-ээс хассан. Швейцарийн учраа болох Испанийн баг Хорватын багийг нэмэлт цаг 5:3-аар буулган авсан. Тэд Санкт Петербург хотод, долдугаар сарын 02-ны Баасан гарагийн 24.00 цагаас тоглоно.
Б: Бельги-Итали
Евро-2016-ийн аварга Португалийг хожсон Бельгичүүд шигшээ наймд хүчирхэгжсэн Италийн багтай таарсан. Италийн баг Австрийн даруухан багийг мөн л нэмэлт цагт буулгаснаар шигшээ наймд хэцүүхэн шалгарсан. Тэд Германы Мюнхен хотод, долдугаар сарын 02-ны Бямба гарагийн 03:00 цагаас тоглоно.
С: Чех-Дани
Чехийн баг дэлхийн 2 удаагийн мөнгөн медальт Голландын багийг 2:0-ээр хөнгөхөн хожсон бол Даничууд 4:0-ээр Уэльсийг бутниргэсэн. Тэд Азербайжаны нийслэл Баку хотод долдугаар сарын 03-ны Бямба гарагийн 24.00 цагаас тоглоно.
Д: Англи-Украйн
Украйн 2:1-ээр Шведийг, Англи 2:0-ээр Германыг буулган авснаар шигшээ наймд шалгарсан сүүлийн 2 багаар нэмэгдсэн. Тэд Италийн Рим хотод долдугаар сарын 04-ны Ням гарагийн 03:00 цагаас тоглоно.
ХОЁР: ХАГАС ШИГШЭЭ ТОГЛОЛТ
А: Бельги-Итали болон Швейцари-Испанийн ялагчид долдугаар сарын 06-ны Лхагва гарагийн 03:00 цагаас Лондон хотод тоглоно.
Б: Украйн- Англи болон Чех-Дани багуудын ялагчид долдугаар сарын 08-ны Пүрэв гарагийн 03:00 цагаас Лондон хотод тоглоно.
ГУРАВ: ФИНАЛЫН ТОГЛОЛТ
Учраагаа ялсан хоёр баг долдугаар сарын 08-ны Пүрэв гарагийн 03:00 цагт финалдаж, хэн нь аварга болохоо тодруулна.
