- 2018 оны Дэлхийн АШТ -д Италийн шигшээ баг түүхэндээ анх удаа оролцож чадаагүй. Үзэгчийн суудлаас Дэлхийн АШТ- ийг үзнэ гэдэг тоглолт хийж, хожигдож хасагдахаас ч илүү хүнд юм гэдгийг мэдэрсэн. Од гийж, энэ удаад бид үзэгч биш, тоглогчийн хувиар тэмцээнээ нэг ч хожигдолгүй үргэлжлүүлж буй учир сэтгэл өег байна. Италийн хөлбөмбөг унаагүй гэдгийг Дэлхий нийтэд дахин харуулж чадаж байна гэж бодогдоно. Италийн хөлбөмбөгийн школа буюу, нягт хамгаалалт, оновчтой сөрөг довтолгоон ямар үр дүнд хүргэдэг болохыг бидний тоглолт гэрчилнэ.
Италийн шигшээ баг хожигдолгүй цувралаа 32 болгон ахиулж, дараалан хожлоо 12 болгож нэмлээ. Евро-2021-д тав тоглож, тав хожлоо. Долдугаар сарын 06-нд Испанитай хагас финалдана. Бидэнд цом өргөхөд хоёр л тоглолт үлдлээ. Шигшээ наймд, Бельгийн алтан үеийн багийг 2:1-ээр буулгаж авахад гоол оруулсандаа сэтгэл ханамжтай байна. Тэр гоолын цохилтыг би бэлтгэл дээр давтахаас гадна, тоглолтын явцад ч байнга гүйцэтгэдэг. Энэ удаа тун оновчтой цохилоо гэж тоглолтыг дүгнэж Инсигни Италиа-спорт сувагт ярилцлага өглөө.
