Даничууд хэр сайн баг вэ? гэдгийг "Евро-2021" АШТ харуулж байна. Тэд яг л далайн давалгаа хөлөглөсөн мэт ямар ч саадгүй урагшилсаар шигшээд шалгарлаа. Өнгөрсөн намар Nations League тэмцээнд бид Данийн багтай хоёр тоглохдоо нэг тэнцэж, нэг хожигдсон. Бодоход бид сул багт хожигдоогүй юм байна. Лондонд 0:1-ээр хожигдсон гашуун сургамж бий. Мэдээж Данийн багийн хамгаалалтын гол тулгуур Кристиан Эриксоны хувь нэмэр, зүтгэл байсныг үгүйсгэхгүй. Эриксон харваж ( эмчилгээ хийж эдгэсэн) Евро-2021-ийг орхисон ч, Данийн багийн гишүүд нь андаа гэх сэтгэлээр улам бүр нэгдэж хүчирхэгжсэн. Лондончууд , хөлбөмбөгийн фанатууд 2021 оны долдугаар сарын 08-ны өдөр гайхалтай тоглолтийн гэрч болно.
Данийн багийг хожвол өндөр шагнал биднийг хүлээж буй. Тэр шагнал нь Европын АШТ-д Английн шигшээ баг түүхэндээ анх удаа финалдах тийз юм. Үнэндээ, бид түүнээс ч холыг харж байна. Английн Лиг бол олон үзүүлэлтээр Европын бусад Лигийг ардаа орхисон. Английн хөлбөмбөг хөгжиж, тоглогчид нь арвин туршлага хуримтлуулсан. Энэ бүхэн нь Английн багийн ялах гол дохио юм гэж Английн багийн ахлагч Харри Кэйн BBC Спортод үзэл бодлоосоо хуваалцсан байна.