"Тоглогчийн хувиар олон цом өргөсөн. Гэхдээ өргөж амжилгүй үлдээсэн цом бас бий. Энэ цомыг л Италийн шигшээ багтайгаа өргөх мөрөөдөл надад байна" гэж шигшээгийн дасгалжуулагчаар анх томилогдсон (2018) өдрөө Манчини хэлж байсныг Италиа-спорт суваг санууллаа.
Испани бол маш их нөөцтэй баг. Дасгалжуулагч Энрике нь арвин туршлагатай. Испанийн багийн давуу тал довтолгоо, сул тал нь хамгаалалт юм. Тиймээс бид сул талыг нь барьж довтолгоонд хүч хаях болно. Мэдээж хамгаалалтаа сул орхиж болохгүй. Италийн хөлбөмбөгийн онцлохыг харуулсан тоглолт үзүүлэх болно. Нягт хамгаалалт, үр дүнтэй сөрөг- хурдан довтолгоо. Энэ бол бидний тоглолтын тактик. Хагас шигшээ бол бидний эцсийн зогсоол биш. Бид 2021 оны долдугаар сарын 12-ны өдөр Английн багтай финалдах болно гэж Манчини тоглолтын өмнө хэллээ.
