Месси төрөлх Аргентиний багтайгаа томоохон тэмцээний анхныхаа цомыг өргөлөө (2008 оны Бээжингийн Олимпийн наадмыг үл оролцуулан). Аргентиний багт өчүүхэн аз дутаж байсан. Месси ахлагчтай Аргентиний баг ДАШТ-2014-д Германтай финалдаж, 1:0-ээр хожигдон цомоо алдсан.
Тэр үед түүнийг тогтоох нэг ч хамгаалагч олддоггүй байсан үе. Гэсэн ч ДАШТ-д түрүүлж чадаагүй. Америкийн цомын аваргад гурван удаа финалдаж, мөнгөн медаль дээр унаж байсан. Мөн түүнчлэн Америк тивийн аваргад 1 удаа хүрэл медаль хүртсэн.
Тиймээс Месси байсан цагт Аргентиний баг нэг ч цом өргөхгүй гэдэг ч яриа дэлгэрсэн байсныг Месси 34 насандаа таслан зогсоолоо. Энэ цагийн домогт хөлбөмбөгчин Месси багаа удирдан Америкийн цомын АШТ-ын финалд Бразилийн багийг 1:0-ээр буулган авснаар түрүүллээ. Цомын аваргын төлөө Месси 7 тоглолтонд 4 гоол оруулж, 5 гоолын дамжуулалт өгснөөр тэрбээр мэргэн бууч боллоо.
Ц.БАТ-ЭНХ
