-Бүтэн 4 жил хөдөлмөрлөлөө. Ямар ч гэсэн финалд шалгарлаа. Энэ бол ажлын үр дүн, амжилт мөн. Гэхдээ эцсийн зорилгоо хараахан биелүүлж амжаагүй байна. Цом өргөх бол бидний зорилго.
Уэмбли цэнгэлдэх хүрээлэн тэр чигтээ бидний эсрэг байх болно гэдгийг төсөөлж байна. Хариуд нь бид Английн багийн тоглогчдыг талбайд нь дарамтлах болно. Бид тэднийг тоглолтын эхнээс төгстөл нь шахна. Бүтэн 4 жилийн хөдөлмөрийнхөө үр дүнг үзэхийн тулд финалд Английн багийг хожих ёстой. Тоглогчид маань ч ийм л сэтгэхүйтэйгээр талбайд гарах болно гэж Италийн багийн дасгалжуулагч Роберто Манчини Italia-sport сувагт зорилгоо тодорхойллоо.
Э.ОТГОНЖАРГАЛ