Токио-2020 зуны олимп маргааш нээлтээ хийнэ. Монголын Үндэсний Олимпийн хорооны дарга Наранбаатараар ахлуулсан Монголын олимпийн баг тамирчид МИАТ-ын онгоц хөлөглөн өнөөдөр Токио хотыг зорилоо. Тав хоногийн өмнө нь "3 х 3"- ийн эмэгтэй сагсан бөмбөг, боксын тамирчид Токиод урьдчилан хөл тавьсан бол чөлөөт бөхийн баг барилдаанаа дөхүүлж очих болжээ.
Түүхэндээ хамгийн олон тамирчин зуны олимпод бид оролцуулж байна. 4 жилийн турш "олимп-хөтөлбөр" хэрэгжүүлсэн нь үр дүнгээ өглөө. Анх удаа Монголын ширээний теннисчид болон "З х З" сагсан бөмбөгчид олимпод оролцох эрх авсан нь Монголын олимпийн хөгжлийн түүхэнд шинэ хуудсыг нээлээ.
Токио-2020 олимпоос Бээжин-2008 олимпод үзүүлсэн амжилтыг хүлээж буй. Бид хоёр алт, хоёр мөнгөн медальтай эх орондоо ирэх зорилготой гэж Үндэсний Олимпийн Хорооны дарга Наранбаатар манай сурвхлжлагчид зорилгоосоо хуваалцлаа. Токио-2020 олимпын үйл ажиллагаанд Монгол улсын Ерөнхий сайд Оюун-Эрдэнэ, ерөнхийлөгч асан Х. Баттулга нар хүндэт зочноор оролцох юм байна.
Э. ОТГОНЖАРГАЛ
