АНУ-ын Асссошиатед пресс агентлагаас гаргасан урьдчилсан судалгаагаар Фуна Тонаки (Япон) түрүүлж, Дарья Билодид мөнгө, Испанийн Жуля, Косовогийн Красникуе нар медальт байранд шалгарна гэдэг судалгааг олимпийн өмнө гаргасан. Тэгвэл энэ судалгааг эвдэх боломж Монголын Уранцэцэгийн гарт байна. Хоёр ч олимпод медалийн оосроос атгаад алдсан Монголын жудо бөх Уранцэцэг дунд шөвөгт Красникуетэй тулна.
Ялсан нь медальд хүрч, улмаар дэвшиж барилдана. Уранцэцэгийн хувьд Дэлхийн аварга, цомын аварга, Их дуулгад бүгдэд нь түрүүлсэн. Түүний түрүүлж үзээгүй цорын ганц тэмцээн бол Олимп юм. Тиймээс Токио-2020 зуны олимпод түрүүлбэл бүх тэмцээний түрүү авсан цорын ганц эмэгтэй жудо бөхийн түүхийг бүтээх юм. Уранцэцэгийн хувьд хоёрхон сарын өмнө Унгарын ДАШТ-д Красникуе-г дунд шөвөгт ялж, хүрэл медаль авч байсан байна. Амжилт хүсье.
