Шийдвэрлэх долоо дахь өрөг. 5:0. 9:2. Нэмж хоёрхон оноо алдвал Япончуудын 5 жил хүсэн хүлээсэн олимпийн холимог хосын финалын тоглолтыг үгүй хийх босгонд тулсан. Бидний оронд Германы хос, Хятадын хостой финалдахаар зэхэж эхэлсэн үе. Гэвч Мими Ито бид хоёр бууж өгөхийг хүсээгүй. Оноо нэг бүрийн төлөөх тэмцэлд бие биенээ уриалсан. 4 оноо дараалан авч, 9:6 болгож ойртуулсан ч, Германчууд оноог 10:6 болгож мөн л холдуулсан.
Бид нэг оноо алдвал, тэд нэг оноо авбал, Германы холимог хос баг олимпийн финалд шалгарчих гээд байв. Сэтгэхүйн хүнд дарамттай мөчид бид үргэлжлүүлэн довтолж, дараалан 4 оноог авч 10:10 болгож тэнцүүлж чадсан. Эцэст нь 16:14-ээр тэднийг сөхрүүлж, хүссэн финалдаа шалгарлаа. Япончууд теннисээр анхны алтан медаль авахын тулд Шү Шин-Лиу Шэ Вэй нарын хостой финалдана. Чадах бүхнээ гаргана. Хамгийн сүүлд 2019 онд тэдэнд 4:1-ээр хожигдсоны хариуг олимпийн наадамд хариулна гэж бодож байна гэж Рио-2016 олимпийн хүрэл медальт Мизутани NKH-телевизэд ярилцлага өглөө.
Э. Лхагва