57 кг-ийн жинд, гурвын даваанд Вьетнамын боксчин Нгуенийг оноогоор илүүрхэн ялсан Цэндбаатарт олимпийн медаль зүүхэд ганцхан ялалт үлдлээ. Тэр дунд шөвөгт Оросын боксчин Батургалиевтэй медалийн төлөө тулалдана. - Хоёрын даваанд Кенийн тамирчинг оноогоор ойрхон ялсан. Тоглолт нэг л болж өгөхгүй байсан. Харин Вьетнамын Нгуентэй тоглолтоо гаргаж сайхан тоглолоо. Медалийн төлөө бүр урамтай сайхан тоглолтыг үзүүлнэ. Монголчуудынхаа хүссэн тоглолтыг гаргана гэдгээ амлая. Токио-Улаанбаатарын цаг агаар, цагийн зөрүү бараг ижил учир яг л гэртээ байгаа юм шиг таатай нөхцөлд байна гэж Цэндбаатар Монголын арилжааны телевизүүдэд ярилцлага өгөхдөө амлалаа.