Олимпийн боксын тэмцээнийг шударга бусаар шүүж байна гэдэг удаа дараагийн гомдлыг ОУОХ анхаарч энэ удаагийн олимпоос шүүх зарчимд нь өөрчлөлт оруулж, раунд бүрийн дараа шүүгчдийн үнэлгээг ил болгож байх шийдвэр гаргасан.
Рио-2016 олимпийн медалийн төлөө тоглолтонд Оросын боксчин гурван үеийн турш цусандаа хутгалдтал зодуулсан хэрнээ шүүгчдийн үнэлгээгээр ялж байсан учир дээрхи шийдвэрийг гаргахад хүргэсэн гэж Токио-2020 зуны олимпийг зохион байгуулагчид мэдэгдсэн. Гэсэн хэдий ч тоглолтын эхний хоёр үеийн турш давамгайлан илүүрхсэн Цэндбаатарт биш, Оросын тамирчинд ялалт өгсөн нь Монголын багийг гомдол гаргахад хүргэлээ.
Шүүгчдийн зөвлөл хуралдаж, буруутай шүүсэн шүүгчид хариуцлага тооцож шийтгэсэн ч, ялалтыг Орос тамирчины талд хэвээр үлдээсэн мэдээлэлтэй байна. Орос тамирчин медальд хүрсэн нь Олон улсын боксын холбооны ерөнхийлөгч нь Оросын иргэн улиран сонгогдсонтой, түүний нөлөөлөл орсон байх магадлалтай гэж Монголын тал үзэж буйгаа нуусангүй. Ийнхүү Цэндбаатарын олимпийг медалийг шүүгчид ичгүүр сонжуургүй булаалаа.
Ц.БАТ-ЭНХ
