Токио-2020 зуны наадамд 39 алтан медаль авч түрүүлсэн АНУ Параолимпын тоглолтонд мөн л ихээхэн ач холбогдол өгчээ. АНУ-ын Параолимпын хорооноос Токио -2020 параолимпод түрүүлбэл 37500 $, мөнгөн медаль авбал 22500$, хүрэл медаль хүртвэл 15000$ -ийн урамшуулал олгохоо албан ёсоор зарлалаа.
Наймдугаар сарын 24-нд нээлтээ хийж, есдүгээр сарын 5-д өндөрлөх Параолимпийн наадамд 4000(дөрвөн мянга) тамирчин хүндийн өргөлт, гүйлт, таеквондо, теннис, ширээний теннис, волейбол, буудлага, байт харваа зэрэг спортын 28 төрлөөр ур чадвар, хурд, хүчээ сорино гэж Олимпийг зохион байгуулах хорооноос мэдээллээ. Монгол улс байт харваагаар өмнө нь олимпийн аварга төрүүлж байсан бол энэ удаагийн олимпоос хүндийн өргөлтөөр аваргатай болно гэдэг хүлээлттэй байна.
Э.ЛХАГВА
