Кристалл Палас багийг 3:0-ээр хожиж Премьер Лигийн гараагаа эрчтэй эхлүүлсэн Челси баг энэ улиралд Премьер Лигийн ангууч болно гэж мэдэгдлээ. -Завсарлах хоёр сарын хугацаанд багаа хүчирхэгжүүллээ. Супер Лигт түрүүлж (Челси 2:1 Вильярил) улирлын гараагаа урамтай эхлүүллээ. Өнгөрсөн улиралд ПЛ-т тэргүүлэгч багийн араас хаагчийн дүрийг бүтээсэн. Тэгвэл энэ улиралд бид ангуучийн дүрд тоглоно.
Аваргуудын Лиг, Супер Лиг, Английн цомын аваргад түрүүлэх, Премьер Лигт эхний дөрөвд орох зорилго дэвшүүлж буй. Хамгийн гол нь Премьер Лигт бидний өмнө эрэмблэгдсэн Манчестер Сити, Манчестер Юнайтэд, Ливерпуль багийг "намнах" ёстой. Мөн ард жагсаж буй 16 багт нэг ч оноог "хулгайлуулахгүй" байх нь чухал.
Бөмбөгийг урагш нь хол цөлдөг, хамгаалалтанд тулгуурладаг багийн тоглолтоос татгалзана. Бид хамгаалалт, довтолгоог хослуулсан, багт тулгуурласан тоглолтыг үзүүлнэ. Ромелу Лукакуг "Интер" багаас авч буй. Ромелу Лукаку багийн хурд, эрч хүч, довтолгоог хурцлана гэдэгт итгэж байна гэж Челси багийн дасгалжуулагч Томас Тучель BBC-cпорт сувагт ярилцлага өглөө.