Серби, Болгар, Хорват, Румын улс "Европын АШТ-2021" волейболын тэмцээнийг хамтран зохион байгуулж байна. Зохион байгуулагч Болгар-Грекийг, Румын-Туркийн багийг талбайдаа хүлээн авна. Багууд хоёр хэсэгт хуваагдаж, 9 дүгээр сарын 4-д аваргаа тодруулна. Францтай хэсгийн анхны тоглолтоо хийх Оросын баг наймдугаар сарын 25-ны өдөр Сербийн багтай учирна. Оросууд хамгийн олон буюу 19 удаа түрүүлсэн ч, энэ удаагийн ЕАШТ-д Сербийн багийг хожих эсэх нь тун эргэлзээтэй. Учир нь Сербийн волейболын эмэгтэй баг Токио-2020 зуны олимпод медалийн (хүрэл) тавцанд Европ тивээ ганцаараа төлөөлсөн. 2017, 2018, 2019 онд дараалан түрүүлсэн тэд амжилтаа давтах магадлал энэ удаа ч өндөр хэвээр. Тэдэнтэй аваргын төлөө өрсөлдөх багийн тоонд Оросоос гадна Туркийг нэрлэж буй аж. Туркийн багийн хувьд сүүлийн гурван АШТ-д шигшээ 4-д шалгарсан. Мөн Голланд, Италийн багийг басаж болохгүй гэж Спорт- экпресс дурджээ.
