Финалд Гарри Вилсоныг 6:4-ийн харьцаагаар буулган авснаар Марк Уильмс Английн аваргын цомыг 2 дахь удаагаа өргөлөө. Тэрбээр 1997 онд Стефан Хэндриг 9:2-оор хожин анхны түрүүгээ авч байсан бол 24 жилийн дараа 46 насандаа дахин түрүүллээ. - Би өөрийгөө сайн тоглосон гэж хэлэхгүй. Учир нь би алдаа гаргаж байсан. Миний түрүүлсэн гол шалтгаан нь өрсөлдөгчид маань өөрсдөө л хожигдоцгоосонд оршино. Түүнээс биш, би тасархай, алдаагүй тоглосондоо биш гэж мэргэжлийн бильярдаар дагнаснаас хойшхи 29 жилийн түүхэндээ 24 дэх цомоо өргөхдөө Марк Уильмс тоглолтоо дүгнэлээ. Одоогоор Ронни Сулливан-37, Жон Хиггинс- 36, Стефан Хэндри-31, Стийв Дэвис -28 , Марк Уильмс-24 түрүү авсан амжилтаар бусдыгаа хошуучилж байна. Түрүүлсэн Марк Уильмс 100'000 ( нэг зуун мянган) фунт стерлингийн шагнал хүртсэн бол, бусад 63 тоглогч нь 370'000 ( гурван зуун далан мянган) фунт стерлингийг даваанаасаа хамааран хуваан авлаа. Гурван удаагийн дэлхийн аварга Марк Уильмсийн хувьд 29 жилийн хугацаанд 8 сая ам.долларын шагнал авсан байна.
Б.ПҮРЭВДОРЖ
