Теннисний талбайд ноёрхлоо 20 жил тогтоосон "Алтан гурвал" -ын үе мөхөж байна. Испанийн Надаль, Хорватын Джойкович, Швейцарын Федерер нарын ноёрхолд цэг хатгасан Грекийн Цицинас, Оросын Рублёв, Германы Зверев нарын эрин үе эхэлжээ. Францын нээлттэй тэмцээний финалд Цицинас- Зверев, Токио-2021 зуны олимпийн финалд Зверев- Кашанов(Орос), "Баруун ба Зүүн" нээлттэй тэмцээний финалд Зверев- Рублёв(Орос) шалгарсан. Сүүлийн гурван том тэмцээний финалд Надаль, Джойкович, Федерер гурвын хэн нь ч шалгарч чадаагүй. Харин энэ бүх тэмцээнд Германы теннисчин Зверев аваргалсан.
Залуу үе гарч ирснээ Францын нээлттэй тэмцээнээр зарлаж, Токио-2021 зуны олимпоор баталгаажуулсан. Тэд шилдэг дөрөвд ч үлдэж чадахаа больсон. Финалд голдуу л залуу үеийн төлөөлөгчид шалгардаг болсон гэж тав дахь цомоо өргөсөн Германы теннисчин Зверев RTL телевизэд ярилцлага өгөхдөө онцоллоо. Тэрбээр хамгийн сүүлд АНУ-ын Охио мөрний эрэгт орших Сисинати хотод зохиогдсон тэмцээнд түрүүлснээр рэйтинг нь ахиж, дөрөвд бичигдэх болсон байна.