Монголын Ширээний Теннисний Холбоо 2021 оны наймдугаар сарын 24-ны өдөр Удирдах Зөвлөлийн ээлжит хурлаа хийж дорхи шийдвэрийг гаргасан байна.
Нэг: Олон улсын тэмцээн уралдаанд оролцуулах тамирчныг мэргэжилтэн багшийн зөвлөмжийн дагуу сонгоно.
Есдүгээр сард болох Казакстаны нээлттэй тэмцээн, Катарт болох Азийн АШТ-д оролцох тамирчныг мэргэжилтэн багшийн зөвлөмжийн дагуу сонгоно. Шигшээ багт бэлтгэлээ тогтвортой хийх залуу тамирчдаа дэмжих зарчмыг баримтлах.
Хоёр: Каленьдарчилсан тэмцээнийг УОБ- ын Комисын шийдвэр зөвлөмжийн дагуу явуулах.
Зөвшөөрөл олговол 9-12 дугаар сард дотоодын тэмцээний төлөвлөгөөг гарган зохион байгуулах
Гурав: МШТХолбооны ээлжит Чуулганыг зарлахгүй байх.
Ковидын онцгой байдлыг харгалзан Холбооны чуулганыг зарлахгүй байх шийдвэр гаргалаа. Харин МШТХолбооны өмнөх 4 жилийн үйл ажиллагааны тайлан, цаашдын ээлжит зорилтыг бичгээр болон цахим хэлбэрээр 2021 оны есдүгээр сарын13-нд нийт гишүүдэд нээлттэй танилцуулахыг Ерөнхийлөгч Ц.Гантулгад даалгав. Хуралд Холбооны ерөнхийлөгч Ц.Гантулга, ЕНБД С.Галбадрах, гадаад харилцаа эрхэлсэн дарга Б.Баярмагнай болон дасгалжуулагчид, тамирчид, хууль, эмэгтэйчүүдийн зөвлөлийн дарга нар болон бусад төлөөлөгчид оролцсон байна.
Эх сурвалж МШТХ
