Клопп ирснээр Ливерпуль сэргэн мандсан. Хоёр жилийн өмнө Аваргуудын Лигт, гурван жилийн өмнө Премьер Лигт түрүүлсэн Ливерпуль баг энэ долоо хоногийн төгсгөлд (наймдугаар сарын 29-ний Ням гарагт) Челси багийг талбай дээрээ хүлээн авна.
Харин Томас Тучелийн удирдсан Челси баг өнгөрсөн улиралд Ливерпулийн ард эрэмблэгдсэн ч , 2021-22 оны улиралд Аваргуудын Лигт түрүүлсэн. Герман дасгалжуулагчтай Английн топ хоёр багийн хэн хожсон нь Премьер Лигийн хошуучлагчаар үлдэх юм. Одоогоор энэ хоёр баг тойргийн эхний хоёр тоглолтоо хожиж, ижилхэн 6 оноотойгоор лигийг хошуучлагчдын тэргүүн эгнээнд явж буй. Аль аль нь хаалгандаа нэг ч гоол алдаагүй.
Сүүлийн таван тоглолтоо Ливерпуль дараалан хожсон бол Челси 4 хожиж, нэг хожигдсон байна. Өөр хоорондоо сүүлд 8 таарснаас Ливерпуль 5 хожиж, 3 хожигдож, 2 удаа тэнцсэн статистик үзүүлэлттэй аж. Герман дасгалжуулагчтай Английн топ хоёр багийн дуэль нь Клоппын карьерт илүү хамааралтай гэж мэргэжилтнүүд үзэж байна.
Э.ОТГОНЖАРГАЛ