Дубайд Өсвөр үеийн болон залуучуудын боксын Азийн аварга шалгаруулах тэмцээн болж өндөрлөлөө. Энэхүү тэмцээнд нийслэлийн 10-н жилийн 7-р дунд сургуулийн сурагч О.Түвшинзаяа Энэтхэгийн боксчин Рохит Чамолид ялагдсанаар мөнгөн медаль хүртлээ. Өмнө нь тэрээр Узбекистаны тамирчныг ялснаар ийнхүү аваргын төлөөх тулаанд орох эрхээ авсан юм.
Энэхүү Өсвөр үе болно залуучуудын Азийн аварга шалгаруулах тэмцээнийг нэг газар, нэгэн зэрэг зохион байгуулж байгаа нь анхны тохиолдол гэж Азийн боксын холбооноос мэдээллээ. Тус тэмцээнд 18 улсын нийт 268 2003-2004 онд төрсөн залуучууд, 2005-2006 онд төрсөн өсвөр үеийнхэн оролцож байгаа юм.