Аваргуудын Лигийн энэ улирлын сугалаагаар Парис Сан Жермен баг Германы Лэйпциг, Английн Манчестер Сити, Бельгийн Бругге багтай нэг хэсэгт таарсан. - Бидний хувьд хэсгээсээ нэгээр гарах нь чухал. Манчестер Сити бол өнгөрсөн улиралд Английн Премьерт түрүүлж, Аваргуудын Лигт үзүүрлэсэн Европын хамгийн шилдэг багийн нэг. Гэхдээ бид МСИ-г энэ удаа буулган авах зорилго тавьсан. Лейпциг, Бругге ч гэсэн дутуу үнэлж болохгүй багууд. Тэд ч хэсгээсээ шалгарахын төлөө эцсийн сумаа хүртэл тавина. Ийм л багуудтай таарлаа. Хамгийн түрүүнд МСИ багаас өнгөрсөн улирлын шигшээ дөрөвд ялагдсаныхаа даагыг нэхэх хүсэлтэй байна гэж Парис Сан Жермен багийн дасгалжуулагч Маурисо Поччеттино France Press сэтгүүлд ярилцлага өгөхдөө онцоллоо. Аваргуудын Лигт багууд хэсэгтээ хэн хэнтэй таарсныг хүснэгтээр үзүүлье.
Э.ЛХАГВА
