Ньюкастле багийг 4:1-ээр хожиход Роналдо эхний хоёр гоолыг орууллаа.Тэр бол топ тоглогч, мэргэн бууч гэдгээ МЮ багийн төлөө дахин тоглохдоо л баталлаа. Роналдог авахын төлөө яагаад зүтгэснийг удахгүй Та бүгд ойлгоно гэдэгт итгэлтэй байна. Тэр бол ердийн нэг тоглогч биш. Хэдийгээр тэрбээр 36 настай ч биеийн хөгжил, хурд, хүчээр 19 настай Мэйсоноос дутахгүй. Роналдо ирснээр МЮ баг улам хүчирхэгжсэн. Түүн шиг өндөр түвшний тоглогч багт тоглох болсноор багийн уур амьсгал эрс өөрчлөгдөж, түвшин ч дээшилсэн. Багийн залуу тоглогчдын хувьд ч даган дуурайх манлайлагчтай болсон. Дөрвөн тойргийн дараа Премьер Лигийг тэргүүлж эхэлсэн бидний хувьд манлайллаа алдахгүйг улам хичээнэ. Кристиано Роналдо ирснээр МЮ олон жил хүлээсэн цомоо өргөх болно гэдэгт итгэлтэй байна гэж МЮ багийн дасгалжуулагч Солкжайер ВВС спортод ярилцлага өглөө.
Э.ОТГОНЖАРГАЛ